Говорите по-осетински: сайт для интересующихся осетинским языком

Осетинский форум | Осетинская Википедия | Осетинские словари


Поиск по словарю:

Рингтоны на осетинском языке в вашем телефоне. Скачайте у нас »»

Мадæлон æвзаджы бон

Кампания 2010 года

21 февраля весь мир отметит Международный день родного языка. Вы можете отметить этот день, направив в Правительство и Парламент Республики Северная Осетия — Алания письмо вольной формы, в котором подтвердите, что поддержка осетинского языка важна для вас лично. Чтобы написать такое письмо было легче, ниже предлагается черновик письма — на своё усмотрение меняйте его текст, дополняйте или сокращайте, подписывайте своим настоящим именем.

Лучше всего отправить письмо бумажной почтой на адрес 362038, Владикавказ, Площадь Свободы, 1, в Парламент РСО-А. Если по каким-то причинам воспользоваться бумажной почтой сложно, воспользуйтесь формой обратной связи на сайте Правительства и на сайте Парламента. Помните, что Парламент, Правительство и Глава Республики — разные адресаты, если вы хотите написать всем троим, купите три конверта.

Подробнее о ситуации с программой «Осетинский язык», о её содержании и реальном финансировании, вы можете узнать в материалах ironau.ru и osradio.ru.

Помогите собрать статистику об этой кампании. Отправив письмо, заполните форму под черновиком письма. Бузныг!

(Республикæйы Сæргълæууæгмæ, Парламент æмæ Хицауадмæ)

Республикæ Цæгат Ирыстон–Аланы цытджын Сæргълæууæг!

Цытджын депутаттæ! Хицауады цытджын уæнгтæ!

Æз дæн ___________________ . Мæн стыр мæты æфтауы, нæ республикæйы ирон æвзаг цы уавæры ис, уый. Нæ мадæлон æвзагæй фаг пайдагонд нæ цæуы ахуырады къабазы, дзыллон хабархæссæг фæрæзты, паддзахадон оргæнты. Ирон æвзаг, уæлдайдæр йæ литературон нормæ зоныны æмвæзад кæны ныллæгæй ныллæгдæр, къаддæр кæнынц ирон газеттæ æмæ журналты тиражтæ.

Ахæм уавæрæн дарддæр быхсæн нал ис. Мæнæн дызæрдыггаг нæу, нырыккон дунейы æнæ паддзахадон æххуысæй иунæг чысыл адæмы æвзаг дæр цæрын æмæ рæзынхъом кæй нæу. Æвзаг цардархайды æппæт къабæзтæй фæцух кæн æмæ йæ æрмæст бинонты ’хсæн дзурынæн æмæ фынджы уæлхъус кувынæн ныууадз — уæд уый уаид, æргомæй зæгъгæйæ, марыны тæрхон рахæссæгау нæ хæзнайæн, уымæн æмæ нæ алфамбылай алцыппæт æцæгæлон æвзагыл куы уа, уæд бинонты ’хсæн мадæлон ныхас дæргъвæтин рæстæджы дæргъы æнæхъыгдардæй фæцæра, уымæн уæвæн нæй.

Не ’взаг у æвæджиауы хæзна. Æвзагæн йæхицæн дæр, стæй, цы тексттæ йыл сфæлдыстæуыд, уыдонæн дæр ис стыр историон æмæ культурон ахадындзинад. Хуыцау бахизæд, фæлæ, мыййаг, ирæттæ сæ мадæлон æвзагыл куы нал дзурой, уæд дæр ма нæ сæфт хæзна бирæ азты дæргъы ахуыр кæндзысты ахуыргæндтæ — иранисттæ, историктæ, этнологтæ. Фæлæ æз разы нæ дæн не ’взаджы ахæм кæуинаг фидæныл. Мæнмæ гæсгæ, адæмы зондахаст комкоммæ баст у, цы æвзагыл дзуры, уыимæ, æмæ иугæр афтæ у, уæд æвзаджы сæфтимæ фесæфы нæ культурон хæдбындурдзинад, аскъуыйы нæ бастдзинад нæ фыдæлтимæ.

Мæнмæ гæсгæ, Ирыстон æмæ ирон нацийы интеллектуалон æмæ монон мидхъару бахъахъхъæнынæн æнæмæнг хъæуы сæххæст кæнын, æнæхъæнæй уæ бары чи ис, къорд ахæм хъуыддаджы:

  1. Сфидар кæнын хъæуы «Æвзæгты тыххæй Цæгат Ирыстон–Аланы закъон».
  2. Республикон нысанон программæ «Ирон æвзаг» æххæстгонд цæмæй цæуа, уымæн хъæуы саразын æппæт мадзæлттæ æмæ уавæртæ.

Ирон æвзаг хъуамæ ма уа æрмæст ахуыры предмет, фæлæ æнæмæнг хъуамæ уа ахуыры процессы фæрæз. Æз бæлвырд зонын, Ирыстоны ацы хъуыддаджы фæдыл ног методикон иртасæнтæ æмæ проекттæ кæй ис, уый, æмæ уæ курын, цæмæй баххуыс кæнат уыцы хъæппæристы сæххæстæн.

Æнæмæнг хъæуы саразын къухыфтгæ (ома аслам æмæ æнцонæй пайдагæнæн) ахуыргæнæн программæтæ æмæ курсытæ ахæм адæймæгтæн, бынтон чи нæ зоны æвзаг, стæй сæ æвзаг зоныны æмвæзад фæхуыздæр кæнын кæй фæнды, уыдонæн.

Республикон ирон (ома ирон æвзагыл чи кусид) телеканал æмæ радиостанцæйы сарæзт уаид нырыккон ирон æвзаг популяризаци æмæ рæзын кæныны тынг ахадгæ фæрæз.

Мæнмæ гæсгæ ирон мыхуыры фæрæзтæ сты фæкæсинаг. Æнæмæнг сæ хъæуы сисын нырыккон æмвæзадмæ. Уымæн ахъаззаг мадзалыл æз нымайын ирон газеттæ æмæ журналты электронон верситæ саразыны хъуыддаг. Мæ хъуыды равдисынæн фаг уаид иу факт — ныронг нæма ис хи сайт зынгонддæр ирон газет «Рæстдзинад»-æн.

Дуканиты, кусæндæтты, стæй уынгты æмæ цæрæнрæтты (хъæутæ æмæ сахарты) нæмттæ, хицаудзинады паддзахадон оргæнты официалон сайттæ хъуамæ уой дыууæ æвзагыл — уырыссаг æмæ ирон.

Æз зонын, Парламенты дæр æмæ Хицауады дæр кæй ис, ирон æвзаджы уавæр катайы чи æфтауы, ахæм адæймæгтæ. Мæнмæ гæсгæ, уымæн æвдисæн у, нысанон программæ «Ирон æвзаг»-ы райст. Хъыгагæн, йæ сæххæстæн цы ’хцатæ пълангонд уыдис, уыдон æххæстæй уагъд не ’рцыдис. Мæн фидарæй уырны: ахæм хæрдзтæм кæсын хъæуы куыд инвестицитæм — Ирыстоны фидæныл чи куса, ахæм инвестицитæм!

Тыхджын экономикæ саразын, зонад райрæзын кæнын, спорты мидæг æнтыстытæ равдисын — æппæт ацы хъуыддæгтæ дæр комкоммæ баст сты адæмы химбарынадимæ, йæ культурæ æмæ йæ зондахастимæ. Æнæминиуæг массæ уæлахиздзау уа, уымæн уæвæн нæй, фæлæ адæмы бон бирæ у. Æмæ нæ адæм уый иу æмæ дыууæ хатты нæ равдыстой! Цæвиттонæн райсæм не ’мзæххонты хайбавæрд Фыдыбæстæйы Стыр хæсты Уæлахизмæ. Уый уыдис, иронау чи дзырдта æмæ хъуыды кодта, фæлæ уыимæ не стыр æмæ бирæнацион Райгуырæн бæстæйы сыгъдæгзæрдæ патриоттæ чи уыдис, ахæм æцæг ирæтты сгуыхтдзинад. Мæн тынг фæнды, цæмæй куыд сабыр царды, афтæ (Хуыцау бахизæд!) хæсты заман дæр, нæ фæстæ чи уыдзæн, уыцы фæлтæр уой нæ фыдæлты кады аккаг. Фæлæ мадæлон æвзаг куы нæ хъахъхъæнай æмæ йæ рæзын кæныныл куы нæ кусай, кæстæр фæлтæртæн ирон æгъдæуттæ уарзын куы нæ кæнай, уæд æппæт уыцы зæрдæдарæнтæ уыдзысты æнæрцæугæ бæллицтæ.

Ныфс мæ ис, æххæстæй йæ кæй æмбарут, нæ национ традици адарддæр кæныны хъуыддаджы сымахмæ цы историон бæрн æрхаудта, уый.

Ирон адæмæн Хуыцау радта ирон æвзаг, æмæ Хуыцауы лæварæн аппарæн нæй — уый стыр тæригъæд у. Æнæ ирон æвзаг æмæ æгъдауæй махæн фидæн нæй!

Аргъ уын чи кæны, уыцы ____________________________ (уæ ном æмæ уæ къухæрфыст)

Мæ адрис: _________________________________________ (дзуапп кæдæм æрбацæуа, уый)