Говорите по-осетински: сайт для интересующихся осетинским языком

Осетинский форум | Осетинская Википедия | Осетинские словари


Поиск по словарю:

Интересные слова

æрвитæн ссылка в интернете, гиперссылка.

Журнал «Мах дуг»-ы æндæр æмæ æндæр номыртæй

Анекдоттæ æмæ хъæлдзæг ныхæстæ

* * *

Æрыгон сылгоймаг тезгъо кæны йæ куыдзимæ. Сæ размæ фæцис иу нозтджын лæг. Фæрсы:

— Ацы гаццаимæ кæдæм цæуыс?

— Уый гацца нæу, нæл куыдз у, — дзуры сылгоймаг.

— Æмæ æз дæу куынæ фæрсын.

* * *

— Вася, уарзыс мæ?

— И?.. Æвæццæгæн...

— Æмæ мæ цæй тыххæй уарзыс?

— Гъер... Куыд дын æй зæгъон...

— Мæ гуырыконд цæуы дæ зæрдæмæ?

— Æу-уæ!

— Мондаджджын былтæ мын ис?

— Куыннæ, куыннæ!

— Мæ уæрджытæ бильярды къориты хуызæн... Æццæй нæ?

— Уæдæ, уæдæ!

— Вася, диссаджы рæсугъд ныхæстæ кæныс! Ноджыдæр ма исты зæгъ!

* * *

— Сылгоймаг нæлгоймагæй фылдæр цæмæн цæры?

— Фыдæнæн.

* * *

Экзамен.

Студент. Профессор, билеты фæрстытæй иуæн дæр дзуапп раттын мæ бон нæу, фæлæ мæм иу фæндон ис...

Профессор. Цавæр?

Студент. Æртæ фарсты дæм ратдзынæн. Кæд сын дзуаппытæ ссарай, уæд афтæ нымайдзыстæм: æз фæхæрд дæн. Кæд нæ, уæд та мын иттæг хорз бæрæггæнæн сæвæр.

Профессор. Разы дæн. Фæрс.

Студент. Фыццаг фарст. Куыд æмбаргæ у: логикæ дзы нæй, фæлæ закъон бар дæтты?

Профессор (ахъуыды кодта). Нæ зонын. Дыккаг фарст.

Студент. Закъон бар нæ дæтты, фæлæ дзы логикæ ис.

Профессор. Нæ зонын. Де ’ртыккаг фарст.

Студент. Логикæ дзы нæй, закъон дæр бар нæ дæтты.

Профессор арф ныуулæфыди, стæй студенты хыгъдон чиныджы «фондз» сæвæрдта æмæ фæрсы: «Дæ дзуаппытæ цавæртæ сты ацы фæрстытæн?»

Студент. Дæуыл 60 азы цæуы, дæ усыл та — 25. Закъон ахæм бар дæтты, фæлæ ацы хъуыддаджы логикæ нæй. Дыккаг. Дæ ус, ай-гъай, сусæг уарзон дары. Уым логикæ ис, фæлæ æнæзакъон ми у. Æртыккаг: минуты размæ дзæгъæл дзæнгæдайы тыххæй иттæг хорз бæрæггæнæн сæвæрдтай дæ усы уарзонæн. Уым логикæ дæр нæй, стæй закъон дæр бар нæ дæтты.

* * *

Экзамен.

Профессор. Ахъуыды ма кæн, дæ зæрдыл æрлæууын кæн... Политэкономийы бындурæвæрджытæй иу...

Студенткæ. Мæнмæ гæсгæ...Смит...

Профессор. Иттæг раст! Смиты ном та куыд уыди?.. Хорз ахъуыды кæн... Цæй-ма... Фыццаг нæлгоймаджы ном цы хуындис?.. И?.. Æппæты фыццаг нæлгоймаджы ном...

Студенткæ. Æнхъæлдæн... Витя цыма хуынди.

* * *

— Æмбал Сталин, Кремлы ныккæндтæй иуы ссардæуыд Иван Грозныйы стæгдар!

— Æмæ цæмæй бæрæг у, Грозныйы стæгдар у, уый?

— Йæхæдæг ыл басасти!

* * *

Ресторан.

Æрбацæуæг: Ау, афтæ æнхъæлыс, æмæ ацы хъылма хæрдзынæн? Тагъд мын хицаумæ фæдзур!

Официант: Æмæ цы пайда у хицаумæ дзурын? Уый дæр æй нæ бахæрдзæни.

Цалдæр анекдоты ма акæс!

Цыбыр уацты æмбырдгондмæ