Гутиев К. Ц. Осетинские пословицы и поговорки. 1976.
Ирон æмбисæндтæ
Ирон æмбисæндтæ. Æрæмбырд сæ кодта ’мæ чиныг сарæзта Гуытъиаты Хъ. Орджоникидзе, «Ир», 1976.
ДЗЫРДМÆ — ДЗЫРД. РИФМÆГОНД НЫХÆСТÆЙ ХЪАЗТ
Ныхасмæ чи фæцарæхса, уый у.
Дзырд ыссарынмæ дын хуыцау ахæм авæра!
«Цы ми кæныс?» — «Мæнæ хохмæ быцæу лæууын, куы мыл рафæлдæха.»
«Сахары цы хабар ис?» — «Цы хабар ис, цы — тамакойыл арт æндзарынц, сæкæр доны калынц».
«Хæрæджы дымæг!» — «У’арынг мæрзæн!»
«Цы дын загътой?» — «Ницы. Къуыри, дам, авд боны.»
«Кæцы дæ хъæуы?» — «Кæцы ныууаса, уый.»
«Куыд дæ?» — «Куыд дæн. Æрдиаг ма мыл хъæуы.»
«Куыд ыстут?» — «Куыд æмæ лæдæрст.»
«Куыд ыстут?» — «Куыдæй фыддæр.»
«Цы ми кæнут?» «Цыми конд фестæм æмæ Бæлтамæ бавнæлдтам.»
«Уары, уары...»
«Цы уары?»
«Хидыхъусы цæхх уары.»
Ацонæга — Гулимæ,
Еууын кæрдзын дзулимæ.
Джитъыри ’мæ дам нас уыди.
Йæ фындзы къоппа басыди.
О, Тепса-Тепсырычъи,
Дæ худ хъæдмæ ныббызычъи.
Ох æмæ ’рдæг,
Дæ быны — кæрдæг,
Дæ уæлæ — хъисын,
Æри мын мисын...
«Чи?» — «Бечи!»
«Табуафси.» — «Дæ былæй мыи æртæ уафсы и.»
«Сасир.» — «Мæрдтæм басир!»
Кæд нæ комы — дур йæ комы.
ТАГЪДДЗУРИНÆГТÆ
Тæрхъусы хъуыст — хъилхъусæй, тæрхъусы хуыст — дæлгоммæ.
Тæвд къæйыл хуылыдз фæрак.
Дзæкъул-мæкъултæй æрбацæуы.
Арв ныр ныннæрыди.
Хъыбыл хъæмп къахы.
Хъыбыл Хъæлты комы хъæмп къахы.
Хъыдырты къæпи — хæдхъуыр къæлæт.
Хъæбæр галæн хъæбæр хъæдæй хъæбæр къæлæт.