Говорите по-осетински: сайт для интересующихся осетинским языком

Осетинский форум | Осетинская Википедия | Осетинские словари


Поиск по словарю:

Сиукъаты Никъала. Дун-дуне нæ алфæмблай — Дзæуджыхъæу, Ир, 1993—469 ф.

Гутиев К. Ц. Осетинские пословицы и поговорки. 1976.

Ирон æмбисæндтæ

Ирон æмбисæндтæ. Æрæмбырд сæ кодта ’мæ чиныг сарæзта Гуытъиаты Хъ. Орджоникидзе, «Ир», 1976.

АХУЫР. ТУГ

Зыкъуыры сæпп-сæпп та акодта.

Хæрæг сæдæ боны куы фæсира, уæддæр ын иу бон æнæ асæпп-сæпгæнгæ нæй.

Хæргæфс цасдæриддæр цæуа, уæддæр фæстагмæ хæрæджы сæпп-сæпп акæны.

Галы хæрджытимæ куы ныббæттай, уæд йе хæрæг кæны, йе зæвæтæй цæвын базоны.

Куыдз уæрдоны фæдыл цæуын куы сахуыр уа, уæд дзоныгъы фæдыл дæр ызгъоры.

Бирæгъ йæ кæнон зæнгыл нæ уадзы.

Бирæгъ йæ кæнон кæндыл нæ уадзы.

Бирæгъ йæ царм зæнгыл нæ уадзы.

Бирæгъ йæ сыллынк-сыллынк нæ уадзы.

Бирæгъæн кæнд чынди, уый уæддæр дзугмæ каст.

Бирæгъæн кæнд чындæуыд, уый уæддæр хъæдмæ лыгъд.

Бирæгъæн æмбисæндтæ хасти, уый афтæ зæгъы: «Ауадзут мæ, уæлæ сæгъ фæлидзы.»

Иу бон хъæрццыгъа карчы цъиу кæцæй аскъæфы, дыккаг бон дæр уырдæм æртæхы.

Халон æгас бон фæуасыди, стæй йæм изæры фæсмон æрцыд æмæ афтæ зæгъы: «Ныр цымæ ’нæхъæн бон цæуыл уасын?» Фæлæ та дыккаг бон уасын райдыдта.

Лæг й’ ахуыр нæ халы.

««« Чиныджы сæргæндтæм