Гутиев К. Ц. Осетинские пословицы и поговорки. 1976.
Ирон æмбисæндтæ
Ирон æмбисæндтæ. Æрæмбырд сæ кодта ’мæ чиныг сарæзта Гуытъиаты Хъ. Орджоникидзе, «Ир», 1976.
АХХОС. ÆФСОН
Æнæ ’фсонæй ницы ’рцæуы.
Æнæ зынг топп нæ хæцы.
Æнæ зынг фæздæг нæй.
Æнæ мигъæй арв нæ нæры.
Арв æнæ нæргæ нæ цæвы.
ФÆТК
Дон дæр йæ рагон фæд агуры.
Дон иу хатт кæм рацæуа, уым ын искæд æнæ рацæугæ нæй.
Рагон æрхы дон æрцæуы.
Дон дæр цыхцырæгыл цæуы.
Дон дæр йæ бынат агуры ’мæ дур дæр.
Дон кæм уа, кæсаг дæр уым вæййы.
Хуыскъыл кæсаг ничи ахсы.
Æнæдон бæстæ хуыскъ вæййы.
Ихы бын хъарм дон нæ цæуы.
Ихы бын дæр ма тæвд дон фæцæуы.
Суадон дæр Теркыл æфты.
Донæн йæ цуры чи цæры, йæ цæуæнтæ йын уый зоны.
Донмæ хæстæгдæр чи цæры, йæ ивылæн дæр ын уый зоны.
Куыроймæ дон куы уадзай, уæд ыссын агуры.
Куырой рахизмæ зилы.
Æнæраз куырой донмæ ссы.
Аг ку’ акæлы, уæд дзаг нал кæны.
Калд дзаг нæ кæны.
Калд дзаг нал фæхуины.
Фæнды хъуырау дурыл ныццæв, фæнды дур — хъуырауыл.
Хъуырау атылд æмæ ’мбæрзæныл банцад.
Доны дурын алыбон дои нæ хæссы.
Доны дурын фæндагыл сæтты.
Донхæссæн дур-ын дон хæсгæйæ сæтты.
Дзæбидыр хохæй хауы.
Дур хохæй уырдыгмæ тулы.
Цад цаддоны фидауы.
Цад тигъыл нæ лæууы. !
Цад цаддоны фидауы, къуыппыл цад нæ вæййы.
Цад цаддоны фидауы, фæрв — комы.
Цад цаддоны фидауы, фæрв — цъалайы.
Тулдз — тулдзджыны, фæрв — цъалайы.
Фæрв — комы, бæрз — хуссары.
Хал уидагыл зайы.
Бæлас уидагыл зайы.
Бæлас фъщцаг уидаг ыскæны, стæй та уæлæмæ цæуын байдайы.
Дыргъ бæласыл зайы.
Кæрдо куы згъæла, уæд æй уидзын хъæуы.
¦Фæткъуы бæласыл кæрдо нæ зайы.
Хæрисыл кæрдо нæ зайы.
Какон сындзыл фæткъуы нæ зайы.
Иу бæлас алыбон гуыркъо не ’ппары.
Бæлас йæ бынæй калдæуы.
Хуыскъ уис нæ тасы.
Сындз цыргъ нæ чындæуы.
Сæгъ сæгъ ары, фыс фыс ары.
Сæгъ сæгъыл ахуыр кæны, фыс — фысыл.
Сау фыс урс нæ кæны.
Сау хъуджы ’хсыр дæр урс у.
Гал бæласмæ нæ хизы.
Хæрæгæн — уаргъ, бæхæн та — саргъ.
Бæхæн — ехс, хæрæгæн — лæдзæг.
Хæрæгæй бæх никуы райгуыры.
Карк æфтуанхъæдыл рæзы.
Карк хъазы айк не ’фтауы.
Уасæгыл уасын æмбæлы.
Уасæгыл — уасын, адæмыл — бадын.
Уасæг куынæ уаса, уæд карк уасы.
Хъаз доны хуылыдзæй нæ тæрсы.
Цъиу кауы михыл рæзы.
Цъиу куы бахъарм вæййы, уæд йæ базыртæ батилы.
Зæронд куыдзæн — зæронд бирæгъ.
Уæрцц бæласыл нæ бады.
ХалОн уæрцц нæ ахсы.
Сынт холымæ тæхы.
Алы маргъ дæр йæхи уаст кæны.
Æнæ базыртæ маргъ нæ тæхы.
Мыдыбындз кæм ис, мыд дæр уым ис.
Бындзытæ кæм уой, мыд дæр уым вæййы.
Мыд кæм уа, мыдыбындз дæр уырдæм тæхы.
Мыд куы уа, уæд бындзытæ Багъдадæй дæр æртæхдзысты.
Калмæн йæ сæр кæуылты быры, йæ къæдзил дæр ууылты быры.
Калм йæ сæрæй мардæуы.
Зымæг куы ’рцæуы, арс йæ хуынкъмæ уæд бацæуы.
Арс дæр ма зоны хурæн йæ фæзынæн.
Тыхлæмæрстæй къуыпхы къуымæл нæ кæны.
Касхæрæгæн йæ уидыг йæ сины вæййы.
Кæд кас хæрыс, уæд ын уидыг дæр дар.
Дæ къухтæ мыды ку’ атулай, уæд сæ æн’ асдæргæ нæ фæуыдзынæ.
Кæй кæм хæры, уым ныхы.
Чи куыд бæрзонддæрæй рахауы, афтæ тынгдæр фæриссы.
Дæ иу æнгуылдз ку’ алыг кæнай, уæд де ’ннæ дæр рисдзæни.
Æнæ стæг фыд нæ тасы.
Стæг куынæ фæтаса, уæд — ницы.
Дыккаг хатт низ дæр не ’здæхы.
Зæрдæйы кондæн фынæйы фæтк ис.
Уады разæй — зыгуым.
Уады фæстæ — уарын, хæсты фæстæ — кæуын.
Худыны фæстæ кæуын вæййы.
Гули ’мæ Ацонага — комкоммæ.
Хид куы фæцуды, уæд ыл цæуын ничиуал уæнды.
Уисой уисгай у.
Цырагъы къодах — уидаггай.
Цъил зилынæн ехс хъæуы.
Судзинæн йæ фæдзæл — йæ уæлæ.
Æгънæг чи фæхуийы, ууыл сæхтæг бафты.
Хъустæ хъусынæн ысты.
Хъусæг хъусæджы хай исы, цæуæг — цæуæджы.
Хъусæгæн — хъусæджы хай, цæуæгæн — цæуæджы.
Дзылийæн — Дзылийы хай, Мылийæн — Мылийы хай.
Бас кæй басудзы, уый донæн дæр фу кæны.
Калм кæй ныццæвы, уый бæндæнæй дæр тæрсгæ кæны.
Цуаны чи саг мары, чи — тæрхъус.
Топп куы фехсай, уæд ын йæ нæмыгæн ыздахæн нал и.
Хæдзар куы басудза, уæд ын йæхи сыгъдæттæй аразæн нал и.
Хъæмпын арт зынг нæ кæны.
Арт зынгæй нæ хуыссы.
Æвзалыйæ зынг сырæзы, зынгæй та — ’взалы.
Афтæ фæзæгъынц: къуылых — кафаг, сохъхъыр — фыдзонд, къæзæнæг — зараг.
Къуылых — симаг, къæзæнæг — зараг.
Къуылых — симаг, гуылæвзаг — зараг.
Сохъхъыр уынаг у, къуылых — симаг, къæзæнæг — дзураг.
Иу хатт къуылых дæр фæразæй вæййы.
Къуылых Дзода — фæдæвзарæг.
Куырд — æнæ кард.
Куырдон — æнæ фæрæт.
Хъæддзау — æнæ арт.
Худхуийæг — бæгъæмсар.
Худхуийæг — æнæ худ.
Дзабырхуийæг — бæгъæввад.
Дзабырхуийæг — æнæ дзабыр.
Цæгæр сæрыл хъуын нæ хæцы.
Цæгæр сæрæн — цыргъ ныхтæ.
Цæгæр худгæнæгмæ ’рбацæудзæн.
Дугъон бæх дæр ма хатт фæкæлын зоны.
Митимæ уарыны ’ртах дæр фæвæййы.
Астымгæрдæг — къуыстымхал.
Судзинæй теман н’ агуырдæуы.
Къæссайæн цалынмæ йæ ком нæ бабастай, уæдмæ йын йæ хуынкъ бампъуз.
Кау бийынмæ куы хъавай, уæд раздæр мих ныссадз.
Кау михцухæй нæ быдæуы.
Кау иу михыл ничи бийы.
Кау михтыл быдæуы.
Иу дуджы дыууæ бæхыл ничи бады.
Иу къухæй дыууæ харбызы сисæн нæй.
Кæрдзын ку’ асæтта, уæд нал н-ыхæсы.
Саст кæрдзын нæ ныхæсы.
Дон ничи бадыдагъ кæндзæн.
Миты уæлæ зокъотæ ма агур.
Цоппайаг чи фæвæййы, цоппай ууыл чындæуы.
Арв куыд æрцæв.ы, афтæ фæцоппай чындæуы.
Цы арв цæва, уымæн куывдæуы.
Уастырджийæн кувгæ чи кæны, нывæндтæ дæр ын уый хæссы.
Арв куы фæнæры, цæхæртæ дæр уæд фæкалы.
Арвæй — зæхмæ, зæххæй — арвмæ.
Бон иухуызон нæ хæссы.
Фæскъæвда хур ракæсы.
Бонæн æнæ баизæр нæй.
Æнафоны хур нæ кæсы.
Æнафоны бон нæ кæны.
Æмбисæхсæв бон нæ кæны.
Хурæн æнæ скæсгæ нæй, донæн æнæ цæугæ нæй.
Æрдз адæмыл рад уадзы, радæн та аивæн нæй.