Говорите по-осетински: сайт для интересующихся осетинским языком

Осетинский форум | Осетинская Википедия | Осетинские словари


Поиск по словарю:

Сиукъаты Никъала. Дун-дуне нæ алфæмблай — Дзæуджыхъæу, Ир, 1993—469 ф.

Гутиев К. Ц. Осетинские пословицы и поговорки. 1976.

Ирон æмбисæндтæ

Ирон æмбисæндтæ. Æрæмбырд сæ кодта ’мæ чиныг сарæзта Гуытъиаты Хъ. Орджоникидзе, «Ир», 1976.

СЫГЪДÆГ

Сермасты гæдыйау йæ рыг кæлы.

Чъизи чъиллонæй цæуы.

Цъыззыйы уæлæ — гаппар.

Сау къуымбил урс къуымбилыл чъизийæ худти.

Сапонæхсад, айкæвдылд.

Маргъы ’хсырæй æхсад.

Æхсад лæгмæ фарн кæсы.

СУСÆГ. ÆРГОМ

Де сæфт хурæн — бæрæг æмæ донæн — сусæг.

Сусæджы топп дзуары дæр мары.

Сусæгæйхæцæг куыдзы хæст æвзæрдæр у.

Хъуызаг куыдзæй дæхи хъахъхъæн; æргомрæйд чи кæны, уый дын ницы кæндзæн.

Сусæг маст хæссынæй æргом хæст хуыздæр у.

Мидагъудмæ хъыримаг топп дæр ничи ’лхæны.

Хъæргæнгæйæ бацу ’мæ сусæгæй рацу.

Ардыгæй ардæм æй Дзингатæн дæр ма схъæр кæн!

Гæдыйау йæ фаджыс æмбæрзы.

Æрсгæс цы зæгъы, уый арс куы зонид, уæд æй раджы ныттонид.

Кæм — сусæгæй, кæм — æргомæй.

Цы кæныс, уый — æргомæй.

Хъуырауы цы ис, уый уидыг зоны.

Дурын хъуырауæн афтæ загъта: «Дæ бын дæр дын зонын æмæ дæ сæр дæр».

Хъуыддаг хурæй бæрæгдæр у.

Æмæ уый чи нæ зоны, ахæм куынæуал ис!

Æмæ уый цъиутау куы уаоынц.

Цы дæн, уымæй æргом дæн — калмау мæ хъулон æддæрдæм у.

Дæ сусæг ныхас макæмæн зæгъ — фæхылы бон дыл комдзог рацæудзæн.

Ахъуыды кæн, æмæ искæд бои чысыл зулдзых дæр кæимæ фæуай, уымæн дæ сусæг ныхас макуы зæгъ — ныууæй дæ кæндзæн фæстаг бон.

Дæ дзырд кæмæн æмбæлы, уымæн æй зæгъ, иннæмæн æй басусæг кæн.

Дæ зæрдæ кæуыл дарай, уымæи дæ зæрдæйыуаг зæгъ, иннæмæн æй ма ской кæн.

Дæ сусæг ныхас кæмæн дзурай, уымæн хъуамæ йæхи дæр зонай.

Дæ сусæг ныхас дыи чи бамбæхсдзæн, уымæн æй кæн.

Уылфмæ дзурæгау дæм дзурын.

Сусæг зарæг хъæрæй нæ чындæуы.

Сусæг зарæг хъæрæй ма кæн.

Дæ зæрдæйы сусæг макæмæн зæгъ.

Дæ зæрдæйы уаг æппæтæн ма ’вдис.

Ирон лæгæн дæ сусæг ма зæгъ.

Куы мæлай, уæддæр дæ сусæг ма зæгъ.

Дзурын кæм хъæуа, уым дзур, фæлæ дæ сусæг ма зæгъ.

Дæ сусæгдзинад дæ усæн дæр ма зæгъ.

Дæ зæрдæбын ныхас дæ усæн дæр ма зæгъ.

Дыууæ цы хъуыддаг зоной, уый адæм се ’ппæт дæр зондзысты.

Зæгъгæ мацы кæнай, æндæра куы зæгъай, уæд сусæг нæ кæвы.

Мæсыг. цыфæнды сусæгæй амайай, уæддæр ын иу хатт йæ сæрæн æнæ сзынгæ нæй.

Скъæты мæсыг ку ’амайай, уæд ын басусæг кæнæн нæй — искуы уæлæмæ сзындзæн.

Сусæгæй цы фыдбылызтæ фæкодтай, уыдон иуафои рахъил уыдзысты.

Абон хъус-хъус цы кæнынц, уый сомбон хъæрæй дзурын райдайдзысты.

Чи нæ раргом, ахæм сусæгдзинад нæй.

Сæ уæййаг ысхъæр кодтой.

Сусæггæнæн ницæмæн ис.

Дунейыл сусæг иицы кæны.

Ацы мæнг дунейыл сусæг ницы кæны.

Хуыцауы раз æмбæхст ницы и.

Сусæгæйхъусæг сусæгæйхъусæджы хал бахордта.

««« Чиныджы сæргæндтæм


Главная страница ::: Форум ::: Учебный центр ::: Словари ::: Ссылки ::: В. Иванов et al., 2001–22.