Говорите по-осетински: сайт для интересующихся осетинским языком

Осетинский форум | Осетинская Википедия | Осетинские словари


Поиск по словарю:

Сиукъаты Никъала. Дун-дуне нæ алфæмблай — Дзæуджыхъæу, Ир, 1993—469 ф.

Гутиев К. Ц. Осетинские пословицы и поговорки. 1976.

Ирон æмбисæндтæ

Ирон æмбисæндтæ. Æрæмбырд сæ кодта ’мæ чиныг сарæзта Гуытъиаты Хъ. Орджоникидзе, «Ир», 1976.

ÆППÆЛОЙ. ФАУХÆССÆГ

Йæхи хуыцау æмæ зæдты минæвар хоны.

Уый хуызæн ма кæм и!

Хæсты нæмыджы хуынкъ акодта.

Зæххы бикъ, комы дæгъæл.

Бæсты бикъ, комы дæгъæл.

Фыдæлты мæхъæлау мын радзырдта.

Йæ лæппуйы бонтæ та ’рымысыд.

Арс Хуыбиатæй у.

Мах мыггаг паддзахы уæлкъæсæр фыст у.

Уымæн йæ уæлхæдзар мæлхъы сисæй астæрд у.

Ам дæр дзы лæппу и!

Йæ гуыффæ саст у, уæд!

Фæнык кæм уа, уым рыг ыскалдзыстæм!

Туалты пъырыстыф фест!

Туалты пъырыстыф мын фестад!

Цы дæ? Исты мын Туалты пъырыстыф куынæ дæ!

Стауын æй нæ хъæуы: хæдыстыд у.

Нарт æппæлд адæм уыдысты.

Æппæлой лæгæн йæ фæдджи аиваз.

Иудадзыг дæхицæй ма ’ппæл.

Хъарсы фидар нæ басастай, миййаг!

Дæхи Гæбæлы гæрзгæнæг ма кæн.

Дæ хъаруйæ кæм хъæуы, кæм нæ хъæуы — ма ’ппæл.

Дунетæй хуыздæр куы фестай,

Гъеуæддæр дæхи уд ма стау! (Къоста).

Хицæй æппæлын Ирмæ худинаг уыд.

Дæ кæрийæ ма раппæл, фæлæ дæ къутуйæ.

Цалынмæ йæ дæ къутуйы бафснайай, уæдмæ дæ хоры

’рцыдæй ма раппæл.

Цалынмæ арсы амарай, уалынмæ йæ цармæй ныфс макæмæн бавæр.

Дæхи фæндæй цы фæпайда кæнай, уымæй-иу фæстагмæ раппæл.

Исчи дæ раппæла, уый дæ кæд фæнды, уæд де уæнгтыл дæхимæ хæц.

Дæхицæй раппæлын дæ кæд фæнды, уæд дæхи ма стау.

Дæлдæрбадæг уæлдæр кæны.

Хиппæлой — хи æгадгæнæг.

Хицæй æппæлын фауæгау у.

Хи стауæг хи фауæг у.

Хи стауынæй хи фауынæй хъауджыдæр нæй.

Дæ фыдæлтæ — рухсаг,

Дæхæдæг мын бæзз! (Къоста.)

Сындз йæхицæй æппæлыд, кæуыл аныдзæвын, уый æнæ атонгæ нæ фæвæййын, зæгъгæ. Уæд, дам, æм зынг фæцырд æмæ йын афтæ: «Цымæ æз æмæ дæуæй чи кæй атоны?»

Хорзы йæхи цур ма стау.

Хи цур дзурын фауæгау у.

Цæсты раз æппæлын фауæгау у.

Цæстмæхъус ныхас

Фыдбылыз хæссы. (Къоста).

Цы сæгъ ыстауай — къæртали.

Хорзы-иу йæ цуры бафау. (Къоста).

Цæххы пут кæимæ нæ бахæрай, уый ыстаугæ дæр ма ракæ ’мæ фаугæ дæр.

Иæхæдæг чи ницы у, уый искæуыл фаутæ февæры.

Дурыл цына фæлмæнæй худти.

Уæртæ дæ цæсты ’рду!

Искæйы цæсты ’рду уыны, йæхи цæсты æдкъала бæлас дæр нæ уыны.

Арс усы хъуынджынæй фаудта.

Искæй ма фау, дæхи ма стау.

Фыдфæзмæгæй фауæгæй уæлдай нæй.

Фауæвæрæг — йæхи фауæг.

Искæй фауæг йæхи фауы.

Искæй фауæг — йæхи фæлгъауæг.

Лæджы хуызæн лæг йе зиаджы дæр нæ бафаудзæн.

Алы уд дæр йæхи куыст ыстауы.

Зондджын лæг йæхи не стауы.

Хорз йæхицæй не ’ппæлы.

Хорз лæг йæхицæй не ’ппæлы.

Хорз лæг йæхицæй æппæлын нæ уадзы.

««« Чиныджы сæргæндтæм


Главная страница ::: Форум ::: Учебный центр ::: Словари ::: Ссылки ::: В. Иванов et al., 2001–22.